تورته اقتصادية من غير فرن ولا مضرب كهربائي

هنضيف البيض في بوله ومعاه الفانيليا. وبالمضرب اليدوي هنضربهم مع بعض. ونضيف السكر ونضرب بالمضرب, لحد ما السكر يذوب. ويفضل السكر تكون حبيباته ناعمه.

بعدين هننزل بالزيت تدريجيا, مع التقليب المستمر. وبعد كده هننزل باللبن بالتدريج.

هنجيب الدقيق والكاكاو وذرة الملح والبيكنج بودرة ونقلبهم كويس مع بعض. بعدين هننخلهم كويس وننزل بيهم على الخليط السائل إللي احنا ضربناه بالمضرب. وهنقلبهم كويس جداً.

هنجيب طاسه ماتكونش بتلزق المقاس اللي انتي حابة تعملي التورته فيه. وننزل بالخليط في الطاسه, مش كله طبقات. الكميه دي عملت أربع طبقات متوسطين.

نغطي الطاسه, بعد ما نضع الخليط. وتكون النار هاديه خالص. وبعد ما نلاقي الغطاء جمع بخار, نمسحه. ونقلبها على الناحيه التانيه وهكذا لحد مانخلص الكميه.

هنسيبها تبرد لمدة 4 ساعات. وبعدين نبدأ نزينها. طبعاً عارفين الكريمه بتتعمل ازاي, كوب كريمه عليه كوب ماء مثلج أو كوب لبن مثلج وكوب سكر. ونضربهم بالمضرب الكهربائي. ونبدا التزيين ومعانا فراوله للتزيين على ذوقك.