فتة المكدوس
#سوريتي_هويتي .. وصفة سورية بامتياز طيبة كتير .. بتمنى تعجبكم ..🌼
الخطوات
- 1
اول خطوة منخرج اللب من الباذنجان ومنغسله جيداً بعدا منصفيهن من الماء منيح
- 2
بنجهز الحشوة بنقلي بشوية زيت اللحمة المفرومة وبنحط فوقها رشة ملح وفلفل اسود وابيض واحمر وزنجبيل بودرة وبنقلب منيح حتى تستوي اللحمة بنحطا بمصفاي وبنجهزا لنحشي فيا الباذنجان
- 3
بنحشي الباذنجان باللحمة المفرومة وبنسكر ثم الباذنجان باللب كالشكل
- 4
بعدا منجهز زيت القلي ومنقلي حبات الباذنجان ومنقلبن كل شوي مدة عشر دقائق تقريبا وبنطالعن منصفيهن منيح من الزيت كالشكل ومنحطن على جنب
- 5
منجهز الصلصة الحمرة بطنجرة بنقلي بمعلقتين زيت نباتي بصل مقطع شرائح بس دبلو منضيف دبس البندورة والماء ورشة ملح وبهار ويحرك جيداً ثم يغطى ويترك ليتسبك
- 6
ومنجهز الصلصة البيضاء أو الطراطور.. لبن مع طحينة وثوم مهروس وشوي ماء إذا احتاجت
- 7
بصحن بايركس منحط طبقة خبز محمص ومنصف فوقن الباذنجان المحشي و المقلي وفوقن الصلصة الحمرة ثم تدخل الفرن مدة عشر دقائق على حرارة 180 (خطوة اختيارية) فيكن بلا الفرن وتكملو تصفو الطبقات بس انا دخلتن الفرن ليسخنو مشان التقديم
- 8
منقلي المكسرات بشوية زبدة وزيت نباتي وبس تحمصو منشيلن على جنب ومنترك الزبدة لنطش فيا وجه الفتة
- 9
منرجع منحط طبقة خبز محمص وفوقن الصلصة البيضاء ومنرش المكسرات واللحمة المفرومة على الوجه
- 10
بعدا منسقي الفتة بالزبدة يلي حمصنا فيا المكسرات وبنزينها بالبقدونس وبتصير جاهزة للتقديم..
- 11
تقدم الى جانب الخضراوات والمخللات..
- 12
وصحة وهنا..💞💞
من الأكثر بحثًا في
وصفات مشابهة
-
-
فتة مكدوس شامية فتة مكدوس شامية
اهم مكون في أطباق رمضان انها تحتوي على السوائل وطبق الفتة في موائد الصائمين في دمشق طبق متنوع يعتمد على فتات الخبز وعندما تذكر فتة مكدوس يكون لدينا طعم مختلف يجمع أطباق الغداء والعشاء وافطار رمضان في وقت واحد ويحكي قصة فيها شوق الصائم للطعم المميز الذي فيه عبق من ذكريات الجدات والامهات لأطباق رمضان
-
-
-
-
-
-
-
-
-
Fattet Makdous وصفات ننصحك بمشاهدتها
التعليقات (9)