ميلفاي
من نهار تعلمت نخدمو مزدناش شريناه عايلتي يموتو عليه راح نعطيكم جميع اسرار الميلفاي لي اكتسبتها من التجربة المتكررة
ميلفاي
من نهار تعلمت نخدمو مزدناش شريناه عايلتي يموتو عليه راح نعطيكم جميع اسرار الميلفاي لي اكتسبتها من التجربة المتكررة
الخطوات
- 1
باستعمال الفرينة نفتح العجينة المورقة بالحلال على سمك ٣ ملم ماتكونش رقيقة ياسر نثقبها بالفرشيطة الثقبة حدا اختها انا ندير ٢ فرشيطات ونثقب بيهم ونديرها فوق بلاطو مقلب وتكون اكبر من البلاطو لانو كي نحطها تطيب تنقص في الحجم، نحط بلاطو اخر فوق البلاطو ونديرها تطيب على ١٨٠ د من تحت كي تحمار نقلها ونخليها تزيد تطيب لازما تحمار مليح باش تبقى مقرمشة اطول مدة
- 2
الكرام باتسيار :نحط الحليب والسكر والنشاء بارد في بارد فوق النار مع التحريك المستمر حتى يثال الخليط مليح نحو من على النار ونزيدلو الزبدة والفاني ونحرك نحطو في طبسي ونخطيلو السطح بكيس غداءي ونخليه يبرد
- 3
بعد ما تبرد الكريمة نخلطها بالخلاط حتى تصبح ملساء
- 4
نقسم الورقة الي طيبتها الى ٣ ورقات متساويةنحط الورقة الاولى وندير فوقها الكريمة ونزيد الطبقة الثانية وندير الكريمة ونحط الطبقة الثالثة مقلوبة وندير فوقها بلاطو ونضغط باش يلسقو الطبقات
- 5
نحضر الفوندون :نحط السكر الناعم وم ص فانيليا ونبدا نضيف الحليب بالتدريج حتى نتحصل على خليط متماسك يكون اثقل من الغلاساج شوي نزيدلو م ص ليمون لي تعطيه لمعه نقص منو كمية ونزيدلها الكاكاو ونديرها في بوش ونثقبو ثقبة صغيرة نحط الفوندون فوق الطبقات ونسويه بالملعقة ومباشرة ندير خطوط بالفوندون البنية وباستعمال الكيردون ندير خطوط نروح ونجي
- 6
نحطو يبرد حتى ينشف الفوندون ونقطعو كيما نحب اما مستطيلات او مربعات
- 7
وبصحتكم
وصفات مشابهة
وصفات ننصحك بمشاهدتها
التعليقات (27)