سفنج اسهل مايكون
الخطوات
- 1
اول شيء نحطو مقدار من الفرينة ونضيفولو مغرف سكر ومغرف كبيييرة خميرة ونضيف عليه مقدار من الماء ونبدأ نخلط بالاصابع ندخل المكونات مع بعضهم لازم تجي عجينة طرية بزااف
- 2
ونبدأ نخلط العجينة باليد السر نتاع العجينة هاذي انك تخبطيها تهزيها بيدك وطلعيها شوي وتخبطيها في الاناء حتى تتشكل عجينة غير متقطعة يعني كي طلعيها من الاناء وتهزيها شوي تجي خط واحد نتحصلو على عجينة بهذا الشكل
- 3
نغطيوها و نحطوها في مكان دافئ تتخمر
- 4
بعد ماتطلع نتحصلو على هاذ العجينة
- 5
نجيبو العجينة ونأخذ مقدار صغير ونفتها بالزيت فوق الطابلة بشكل دائري ونحطها في المقلة ونصب فوقها الزيت ثم ثم حتى تتنفخ نقلبوها تحمار وطيب نحطوها في كسكاس تقطر
- 6
نحطو الزيت تسخن نعطيكم فكرة راح تساعدكم بزاف في القلي خاصة القلي الغميق كيما اي مثل الفريت والسفنج انا عندي كوكوط صغيرة قديمة رديتها مقلاة والله اروع مايكون نحط فيها الزيت وماتوسخليش الحالة كيما اي مثل المقلة طير الزيت وماتتحرقيش..
- 7
بعد ماقطرت نرمدوه في السكر والى يحب المعجون ولا العسل وبالصحة ويجيو الداخل فارغين وخفااااااف
وصفات مشابهة
-
-
-
سفنج الميكسور خفيف سفنج الميكسور خفيف
#اخوة_الفرولات 🍓🍓🍓الخفاف وصفة جزائرية تحضرها ربات البيوت بمكوناتها القليلة و المتوفرة في كل بيتكما تدعى "الخفاف" في وسط الجزائر و "السفنج" في بقية المدن الجزائريةو يعتبر السفنج من الفطائر او الحلويات التقليدية الجزائرية المطلوبة بكثرة فالمحلات و المقاهي ويعرف ايضا الخفاف أنه خفيف على المعدة رغم أنها من العجائنيمثل السفنج رمزا من رموز مطبخنا الجزائري فهو رمز الفرحة و الخير والبركة و الفأل الجميل،كانت جداتنا تحضرنه في مناسبة يناير "السنة الامازيغية حتى يكون العام خفيف يحضر ايضا في المناسبات السعيدة عند سماع خبر مفرح ، او سقوط الامطار، او عند سقوط اولى الثلوج
-
-
-
وصفات ننصحك بمشاهدتها
التعليقات