نوجد والمرق نحطو قطع الدجاج مع البصل والثوم وشوي زيت وفلفل اسود وملح ونخليوها تتقلا مليح حتى يذوب البصل ومن بعد نضيفو الحمص ونقليوهم شوي ونمرقو بالماء الساخن ما نكثروش الماء بزاف

نفورو الثريدة نحطو برمة ماء تغلي ومن جهة أخرى نحطو الثريدة في إناء و نحطولها شوي زيت وندهنوها مليح ونحطوها تفور المرة الأولى

نحيوها بعد م ت فور التفويرة الاولى نبخوها بشوي ماء ونردوها تفور مرة ثانية ونحيوها

نصفيو المرق نتاعنا ونجمرو الثريدة ونزيدولها مغرف زبدة ونجمروها على نار قليلة حتى تشرب المرق ومن بعد نحطوها في طبق التقديم نزينوها بالدجاج والحمص والبيض المغلي، وبالصحة و الهناء