بنفصل البياض عن الصفار وبنضيف السكر بالتساوي الهن وبنخفق ليصير الخليط كريمي، بنترك البياض على جنب وبنضيف للصفار الزيت والحليب والفانيليا ومنخفق الخليط كتير منيح

بننخل الطحين والبيكينغ باودر مرتين ومنضيفهن للخليط ومنحرك من تحت لفوق بالمعلقة وما بقا نخفق ابدا

اخر خطوة منضيف البياض ومنحرك شوي بالمعلقة لينتجانس الخليط من جديد، بنكون مشغلين الفرن من قبل على درجة حرارة 180 وضروري يكون ساخن وقت بدنا نحط القالب بالفرن

مندهن القالب بالزيت وبنرشو طحين لحتى ما يلزق معنا الكيك، منتركو بالفرن من 35- 45 دقيقة حسب الفرن عندكن، وما بفتح باب الفرن ابدا لحتى ما يخفس القالب

بعد ما تطفو الفرن بعشر دقائق فيكن تطلعو القالب، وألف صحة وهنا