نحط الدجاج مباشرة في البيراكس نتاعي ولا السنيوة الى راح طيبو فيها و نزيدولو حبة بصل مرحية و شوي ثوم و زيت و ملح و فلفل اسود و معدنوس مقطع و نقليوهم مليح فوق الطابونة

من جهة ثانية نڨي البطاطا و نغسلها و نقطعها دوائر و تضيفها على الدجاج تتقلا معاه و نقطعو الطماطم دوائر و الفلفل ثاني و نستفوه فوق البطاطا

و من بعد نمرقو بماء ساخن و مانكثروش الماء باه تكي المرقة ثقيلة و نضيف حبات الزيتون و نخليوه يغلي فوق الطابونة بالمول نتاعو مابين يسخن الكويزينيار نتاعنا و من بعد ندخلو الكويزينيار يطيب, اي يستوي حتى يشرب المرق و يبدأ شغل يتحمر نطفيو عليه و بالشفاء