غريبية الكاوكاو

نحط السمن و السكر مسحوق و الملح و الفنيلية و نطلعو مليح بالباتور حتى يولي ابيض كريمي و نحطو في الثلاجة 20د و نعاود نخرجو و نضربو مرة اخرى و نعاود ندخلو الثلاجة يبرد 20د و بعدها نخرجو و نلمو باكاوكاو المحمص و الفرينة لي كنت حمصتها في الفور و غربلتها مايح

كما نلم العجينة لازم في الاخير ما تلصقش في اليد

نبدا نشكل في الغريبية انا استعملت المول و كان حبيتي ديريها هليلات كما معروف و حطيتها طيب على نار متوسطة و عسيتها مليح باش متجيش ناشفة داتلي حوالي 25د و كنت طلعت السنيوة في الدرجة 3 تاع الفور و كي تخرجيها خليها تبرد مليح مليح حتى تنشف وحدها و بالصحة و الراحة