صابلي عاااااادي
الخطوات
- 1
اخلطي كل من المارغرين الطرية.الزيت.السكر المغربل.قرصة الملح.حلوة الترك جيداً حتى يصبح الخليط كريمي ثم ضيفي البيض بالوحدة وخلطي بعدها النشاء المغربل والخميرة ولمي بالفرينة المغربلة خليها طرية ولكن متماسكة خليها تربح حوالي ربع ساعة
- 2
اطبعي الشكل اللي حبيتي من الاحسن تحلي العجينة بين قطعتين بلا ستيك يسهل العمل وباه ماتزيديش الفرينة (طحين) فوق سطح العمل ويبقى قوام العجينة مبسس وطري وطيبيها في فرن مسخن من قبل على 160د،ممن تحت فقط
- 3
ملاحظة؛ لا حبيتي الشكل نتاع القاطو يبقى كيما اي مثل درتيه بعد ما تطبعيه حطيه في المجمد لمدة15د مباشرة للفرن
- 4
لما يبرد تماما باه مايتشربش المعجون لصقي زوج /زوج وامسحي الوجه نتاع القاطو بالمربى وديريلو الكاوكاو
- 5
طريقة الحفظ:اذا درتي كمية كبيرة وحبيتي تحتفظي بيها بعد ما تلصقيه وديكوريه ديريه في علبة بلاستيكية من الاحسن تكون مستطيلة باه ما يتكسرلكش حطي طبقة صابلي وديري فوقها الورق البلاسيكي الشفاف الخاص بحفظ الطعام وزبدي طبقة من الصابلي وفوقها الورق الشفاف حتى تكملي الكمية اللي حبيتي تخبيها غطي العلبة بالورق الشفاف ومن بعد سكريها بالغطاء نتاعها ماء تحبي تستهلكيه اجبدي الكمية اللي حبيتي وحطيها نصف ساعة راح يبقى كانو جديد مايصرالو والووبالصحة والهنا للجميع
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات (11)