صابلي بالنسكافي يهبل للاعياد والمناسبات

نخلطو بيدنا الزبدة مع السكر مليييح بالباتور احسن والي ماعندهاش بيدها الزبدة تكون طرية وتخلط ونزيدو الزيت والبيض ونخلطو ونزيدو المايزينة والنيسكافي والكاكاو والكاوكاو ولا لوز ولا اي مكسرات ولا جنجلان كيما تقدري ماديريش ونخلطو ملييييح

نلمو بالفرينة ونديرو الخميرة ونطبعوه انا طبعتو بطابع مدور موالفة نديرو قلب حبيت نبدل ونطيبوه عااادي كيما الصابلي

كي يطيب ويبرد مليييح نلصقوه حبة فوق حبة نيسلي كارامال ولا مربى انا درت نيسلي كارامال ونقلاصوهم بالشوكولا ندوبوها حمام مائي ونضيفولها الحليب ونخلطوها حتى ترجع لقوامها ونزينوها انا درتلها حبات لولو مالكبير والصغير وخطوط بالشوكولاظة تزيين بسيييط وراائع

وبالصحة والهنا جربوها رااااائع جدا يهبل ماينشبعش