الخطوات
- 1
انقي الخضر ونغسلوها ونقطعوها كيما اي مثل اي مثل في الصورة انا الخرشف ماغليتوش اغسلتو برك ودرتو طول على خاطر طري لكن ادا كان موش طري غلوه شوية قبل وصفوه واستعملوه
- 2
نقلي البصل في 2 ملعقة ك زيت مع طرف الدجاج انزيد الطماطم والثوم والملح والفلفل ونقلي ملييح
- 3
انزيد الخضر وحفنة الحمص ونقلي مليح وبعدها نمرق بحوالي 2 لتر ونصف من الماء الساخن ونغلق طنجرة الضغط كي تصفر احسبو تقريبا 20 د وافتحوها ونحو طرف الدجاج
- 4
نأخذ تشيشه ونحط بالجنب لفلفل والطماطم والثوم و والنعناع والملح دايما ننسى ما نصوروش هههه ومغرف الزيت العادي وزيت الزيتون
- 5
نأخذ مغرف مرقة ونصف وحركي بالمغرفة حتى يتخلطو زيدي حوالي كاس ماء وحركي باصابعك فقط موش تدلكي باش ما يروحلهاش تبساس وزيدي الماء ادا حتجتي حتى تتحصلي على عجينة بكف اليد نشكل الكوركابه
- 6
ونضعها في المرق وهكدا حتى تكملي كل العجينة وخليهم يطيبو
- 7
كيفاش تعرفي الكوركاب طاب نحي وحدة واقسميها على زوج ونحي بالمغرفة القلب نتاعها موش الطرف حطيه بين كفيك واضغطي ادا رجع كي السميد اعرفيه طاب ونحيهم من المرقة وعند التقديم سقي الخضر وحطي الكوركابات و شهية طيبة
وصفات مشابهة
وصفات ننصحك بمشاهدتها
التعليقات (5)