كيش بالسلق

لتحضير العجينة نخلط الفرينة (طحين) والزبدة باطراف الاصابع ونضيف ملح وفلفل اسود ونلمها بماء بارد مانعجنوعاش نطموها برك ونغلفها ونحطها تبرد نصف ساعة ومن بعد نحلها ونديرها في المول ونثقبها ونخطها طيب نص طياب

الحشو:نقطع البصل ونحطو يتقلى في شوي زيت ثم نضيف صدرالدجاج مرحي ونقليه نضيف ملح وفلفل اسود ثم نضيف السلق لي يكون قطعناه ونغطيه حتى يذبال وينشف.

كي طيب العجينة نص طياب نضع فوقها فرماج ثم السلق وفي الاخير نخلط بيض وكريمة سائلة رشة ملح وفلفل اسود ونفرغوهم فوق السلق ونرجعها للفور حتى تاخذ اللون الذهبي ونخرجها ونرابي فوقها شوي فرماج شيدار.