اولا نقوم بخلط 500غ من زبدة مع كاس سكر ناعم جيداً ثم نضيف صفار بيضتين و نخلط جيداً حتى يصبح الخليط ناعم اضيفي بعد ذلك عطر الكراميل و علبتين فلان (شوكولاته) و اخلطي جيداً ثم اضيفي كاس نشاء و نواة كوكو (جوز الهند) او جوز الهند و اخلطي جيداً بعد ذلك اضيفي فرينة (طحين او دقيق) و خميرة الحلوى لمي العجينة بحيث تكون طرية و خليها نريح شوي على الاقل 15 دقيقة

بعد ما نريح العجينة افتحيها بالحلال و اطبعي شكل مربعات متوسط الحجم و العرض و حطيهم يطيبو بالخف ما تخليهمش يحمارو بزاف قيس قيس و مبعد خرجيهم من الفرن و خليهم يبردو

من جهة تانية تكوني حضرتي للحشو و خلطتي زبدة مع شوي سكر ناعم و تضيفي كاكاو و خلطي بيا بالباتور حتى تتحصلي على خليط كريمي بعد ذلك لصقي زوج حبات مع بعضاهم و كملي مع باقي الحبات

اما بالنسبة التزيين تكوني ذوبتي شوكولاته سوداء جاهزة للطلي حطي حبات القاطو في الشوكولاته كامل و خليهم ينشفو كي ينشفو نص حبة بشكل معين ادهنيه بالعسل و اغطسيه في جلجلان (سمسم) و نص تاني حطي فيه بابيو صغيرة مصنوعة من شوكولاته

و هكا تكون الحلوى تاعنا واجدة و الف صحة و هناء