منسلق المعكرونة

منقلي لحمة الكمية حسب الرغبة منضفلا بندورة و بصلة مقطعين على الناعم و بهار وملح ومنعيفا لتغلي منيح ومنطفي تحتا لتبرد

صلصة البشاميل :
6 ملاعق كبار سمنة
6 ملاعق كبار طحين
منحمصن سوى ليصير لونن ذهبي شوي
بعدا منحط 6 كاسات حليب
ومنضل نحركا وهي على النار لوقت ما تسمك شوي منطفي تحتا ومنرش ملح حسب الرغبة ومنعيفا لتدفا شوي

منضيف المعكرونة المسلوقة بالبيرايكس

و منضيف فوق المعكرونة اللحمة و نص صلصة البشاميل

وفوق الصلصة منضيف جبنة موزاريلا مبشورة انا بستخدم (نيو بارك)
بعدا منضيف بالاخير الصلصة كلا على الوجه
و على الفرن
و صحة و هنا ❤