لعمل خلطة التمر منحط التمر مع كاس ماء منحطن على الغاز ليدوبو شوي منشيلها عن النار ومنحط نضيف كاس دبس التمر مع الصودا ورشة الملح واليانسون. ومنتركها تبرد. (بهار اليانسون) 👇🏻

لعمل الصوص منحط دبس التمر مع الكريمة وحليب النسلة والزبدة منحركها ومنتركها لدوب وتغلي غلوتين متشيلها عن النار ومنتركها على جنب.

لعمل الكية منحط الزبدة ومنخفق منيح منرجع منحط بيضة ومنخفق وبعدها البيضة التانية ومنخفق ومن بعدها منحط فانيليا ومنخلط كتير منيح منخلط الطحين مع الباكينغ باودر ومنحط شوية طحين ومنخلط ومن بعدها منحط خلطة التمر عل مرحلتين ليخلصو. من بعدها منحط الجوز ومنحركها. منسكبها بقالب مدهون بالزبدة مع رشة طحين ومنسكب الخليط رح بيكون تقيل عادي منكون محمين الفرن عل حرارة 🔥 180 د مندخلها عل الشبك الاول ومنخفض الحرارة تقريبا ل 150 د ومنعير تقريبا 50 د ومن بعدها لازم نعمل اختبار ومنشغل من فوق 👆لتاخد لون.

بس تطلع الكيكة وهي ساخنة منعمل فيها شقوق ومنسقيها بشوية صوص لتاخد كل الصوص من بعدها منقلبها على صينية ومنرجع منعمل ثقوب ومنسقيها بباقي الصوص ومنزينها بالجوز وجاهزة للتقديم. 😋

كيكة هشة وروعة ومغذية.(فينا مانسقيها بالصوص ونحط الصوص عل جنب مع التقديم بيتشرب فيه بتطلع كمان لذيذة) 😋

والف هنا وعافية 💚 لقلبكم تعبكم وشغلكم الحلو ومساكم منور دايما 🌹 🥀 💕