🎂🎂 كيكة عيد الميلاد 🎂🎂

نخفق البيض مع الماء الساخن و الفانيليا حتى يتكونو فقاعات نضيف السكر بتدريج و نخفق حتى يتضاعف الحجم و يصبح الخليط ابيض (نخفق حوالي 10 دقائق)

نخلط المايزينة و الفرينة (طحين) و نصف كيس خميرة مع بعض ثم نغربلهم و نضيف بالتدريج للخليط و نحرك من فوق للتحت حتى يتجانس كامل الخليط

نفرغ الخليط في مول و ندخلو لفرن مسخن على 180° حوالي 40 / 45 دقيقة و مانفتحش الفرن 30د الاولى كي طيب الكيك نخرجو و نخليه يبرد ثم نغلفو بورق بلاستيكي و نخليه يبات ليلة كاملة باه نزينو

في كسرونة نحط كاس سكر مع 2 كيسان ماء فوق نار يغلي مدة 10 دقيقة و نطفي و نضيف الفانيليا و نخليه يبرد

بعد ما يكون رتاح الكيك ليلة كاملة نقسمو الى 3 طبقات متساوية و نشرب الطبقة الاولى و نخليها ترتاح شوي و نحطلها كمية مليحة من الشانتيه

و نحط الطبقة الثانية و نزيد نشربها و نديرلها شانتيه و نواصل العملية حتى نكمل كامل الطبقات ندخل الكيكة للثلاجة تحكم روحها حوالي 30 دقيقة ثم نواصل التزيين

نذوب الشوكولاتة فوق حمام مريم ثم نضيفلها علبة ياغورت طبيعي نخليها تبرد شوي من بعد نصبها فوق الكيكة و في بوش ادوي نحط الشانتيه ليبقات و نزين بيها الكيكة و في الوسط نحط الكاوكاو (التزيين اختياري)