منفرماللحمه على ماكينة اللحمة منستعمل الشفره الناعمه ومنفرم.معها الليه يلي هيي دهن الخروف ومنخلطهم.مع بعض اذا هي الكميه.كبيري بتقسميها على طبخات وبتفرزيها

منقشر البصل ومنبشره على بشارة الخضار ناااعم ومنخلطه.مع اللحمة ومنحط ملح وفلفل اسود

منقطع البطاطا دوائر و منقليها ومنقطع البندورة دوائر

بمد اللحمة بالصينيه وكل شوي ببل ايدي بالماء مشان ماتلزق اللحمة بكف ايدي ومهدها منيح وبعمل تقاسيم فيها بصف فوقها البطاطا وفوق البطاطا اللحمة وبحط عليهم.كاسه صغيييري ماء وبدخلها على فرن.حامي مسبقا انا بغطيها بالقصدير وهي الخطوه اختياري انا مابحبها تتنشف.كتير مشان هيك بغطيها وبس تستوي بشيل القصدير وبحمرها

قدمتها مع شوربة عدس وفتوش الف صحة وهنا

جربوها وادعولي

في ناس بحطو بقدونس اللحمة وبهارات بس رأي انو كترت البهارات اللحمة بتروح زكاوة اللحمة ونكهتها الاصليه مشان هيك بضيف الفلفل الاسود بس والبقدونس مابحسو بيلبق لهاد النوع من اللحمة. طيب جمبها البقدونس مع بصل وسماق هاد رأي ولكل منا رأي وزوقو بالطبخ

طولت عليكم 😅