اول شي بندهن الدجاج بنص باكيت معجون بندورة مع ملح وفلفل وزيت وبنغطي الصينية قصدير وبالفرن لساعة وربع

بنقلي البصلة والثوم وبنضيف الفلفل الأخضر بعد تقطيعه والبندورة والجزر بعد برشه وبنضيف اللومي واكمن حبة كبش كرنفل وبنتركهم شوي ليدبلو

بنضيف مي وباكيت الكنور والملح والفلفل وبنكون بهاد الوقت ناقعين الرز

بنضيف الرز فوق الخضار اللي عالنار وازا احتاجت كمان مي بنضيف وبنوطي عليه ليستوي

بس يستوي الدجاج بنحمره وبنكون ولعنا فحم بنحطه بين الدجاج وبنحط فوقه ملعقة زيت وبنغطي ليعطي طعم المدخن

بنحط الرز بالسدر وبنحط الجاج فوقه وبنزيين بالفلفل والليمون والجزر واللوز المقلي