تسلق المعكرونة و نضع في طنجرة زيت و بصل مفروم حتى يدبل شوي منحط اللحمة و الملح و البهار و الزنجبيل و البهارات المشكلة و منحرك حتى يصير الاستواء و منطفي النار

بطنجرة تانية منحط الزبدة و الطحين و منضل منحرك حتى يصير لونو اغمق شوي و منضيف الحليب و ما منترك المزيج بلا تحريك ابداا و منحط الماجي و جوزة الطيب و الملح حتى يبلش يسمك و منطفي النار

مندهن الصينية بزبدة و منحط طبقة معكرونة طبقة لحمة طبقة صلصة البشاميل منعيد طبقة معكرونة طبقة لحمة طبقة صلصة و ع الوش منحط جبنة ال قشقوان و الموزريلا المبشورين و منحط الصينية بالفرن لبين ما يرجع يسخنو المكونات و تدوب الجبنة تماما ع وجه الصينية وعلى الأغلب نص ساعة حسب حرارة الفرن و صحة و عافية