الخطوات
- 1
للعجين: نغربل الفرينة (طحين) ونضيف قرصة ملح والسمن والفاني ونبسسها مليح ونعاود نغربلها باش ماتجيش العجينة محبحبة
- 2
نلمها بالماء وماء الزهر وكل ما نخليها ترتاح يكون احسن
- 3
نحمص الكوكاو شوي برك لازم يبقى ابيض وباش ماتجيش بنتو مش مليحة
- 4
نخليه يبرد ونرحيه في الميكسور
- 5
نضيفلو كاس سكر عادي وشوي من لاروم تاع اللوز شوي فانيلا وملعقتين سمن نخلط مليح ونضيفلو ماء الزهر لازم نفتلو كيما اي مثل الطعام (الكسكس) مانعجنوش ومانجريهش
- 6
نقسم العجين على اثنين ونفتحها بالحلال ثم نقطعها مستطيلات ونفتحها في الماشين تاع البقلاوة في الخشينة ثم المتوسطة ثم قاع الرقيقة ودائما مع استعمال النشاء
- 7
ندهن البلا بالسمن والفرينة
- 8
ونحط الطبقات طبقة على طول البلا وطبقة على عرض البلا بالتناوب ودائما بين الطبقة والطبقة ندهن بالسمن ونذر النشاء
- 9
نعمل ست طبقات والسادسة ما ندهنهاش بالسمن
- 10
نفرغ الكوكاو و نعاود ندير ست طبقات بنفس الطريقة
- 11
نقطعها مثلثات نخليها ترتاح ساعة هاك
- 12
ندهنها مليح بالسمن وندخلها الفرن طيب
- 13
كي تتحمر من الجوانب نشعل عليها من فوق حتى تاخذ لون ذهبي
- 14
ننزعها ونعسلها مباشرة بالعسيلة الى تتباع مع شوي عسل مصنوع في البيت
- 15
نخليها تبات ليلة كاملة او ليلتين وندهنها بلاجولي او الناباج ونذر الفستق من فوق
وصفات مشابهة
-
-
-
بقلاوة المثلثات بقلاوة المثلثات
#حلويات_2020 بقلاوة بالكوكاو معسلة نهديها لكل المتتباعات العسولات الوفيات 🍯🍯🍯🍯#وصفات_من_مطبخي
-
وصفات ننصحك بمشاهدتها
التعليقات (22)