نخلط الزبدة والصفار و السكر و المبشور ثمونضيف الفرينة (طحين) حتى تتلم العجينة نضعها ترتاح.نصف ساعة

بعدما ترتاح نبسطها و نحطها في اي مول تختارينه او قوالب فردية و نضعها في المجمد نصف ساعة اخرى ، باه ماتهبطش فالطياب ، بعدها نسخن الفرن على 180 درجة و نثقبها جيداً و ندخلها الفرن و نعسها لوكان تنتفخ قليلا نثقبها و نردها حتى تطيب اي تستوي و تحمر قليلا نتركها تبرد

مقادير الكريمة

ربع لتر حليب ، ربع لتر فراولة مرحية فالميكسور ، ١٠٠غ سكر ،٥٠غ نشاء ، 3 صفار بيض ،عطر فراولة ويمكن الاستغناء عنه.

نخلط كل المكونات ثم نضعها على النار حتى تعقد مع الخلط داءما، نتركها تبرد تماما، ونغطيها بالغلاف البلاستيك الغداءي بحيث يلمس الكريمة.

نحضر الشانتيه كاس صغير غبرة الشانتيه مع كاس مثله ماء مثلج، نطلعها بالباتور مليح ثم نخلطها مع الكريمة السابقة بعدما تبرد.

بواسطة بوش او ملعقة نعمر التارت او التارتلات بالكريمة الباردة و نزينها بقطع الفراولة ،

نجهز الجولي ، نحضر القليل من الجولي ونرحي حبات من الفريز و نخلطها معه و نضعها فوق الفراولة

كما توجد طريقة اخرى يعتمدوها في المحلات نخلط شوية تاع الجولي مع ملعقة سوبر كريم فراوله و شوية ملون احمر غذاءي ، و نزين بيها من فوق الفراولة

شهية طيبة و بالصحة والعافية