نخلط الفرينة (طحين) مع السكر وقرصة الملح والفانيلا جيداً نضيف المرغرين والزيت ونحكها باليد ثم نجمع بصفار البيض ونضيف البيضة الكاملة ‘‘ البيض حسب الحجم اذا تلايم بصفار منضيفش الثالثة وإلا نضيف نصفها ‘‘ نلم العجين ونغلفها بكيس ونحطها ترتاح لدقائق

الكريمة نخلط كل المكونات مع بعض في كاسرونة ماعدا المرغرين ونحطها فوق نار هادئة ونحكرك دون توقف حتى تتماسك جيداً ودير فقاعات ‘‘ نحيها من فوق النار نحرك ملح ونضيف مرغرين ونفرغها في وعاء ونغطيها بكيس فوق الكريمة مباشرة لتفادي تكون القشرة ونخليها تبرد تماما

كريمة الشانتيه ‘‘ نخفق بالضراب الكهربائي البودرة والحليب البارد جيداً مع إمكانية اضافة معطر حسب الرغبة أنا أضفت عطر الموز ونخليها بجهة

نحل العجينة ونطهيها في فرن مسخن مسبقا ونثقبها بالشوكة لتفادي اتنفاخها عند الطهي 180درجة مدة 20 إلى 30د حسب الفرن كي طيب نخليها تبرد تماما أنا شخصيا نحبها محمرة

كي تبرد الكريمة جيداً نضربها بالخلاط الكهربائي حتى تولي ملساء ونضيفلها 2 أو3 م أ كريمة الشانتيه باش تولي كما لاموس هادي كريمة ديبلومات

مرحلة اخيرة التزيين نحط طبقة أولى من الكريمة بالملعقة او بكيس حلواني ونزين بحبيبات الفراولة وكريمة الشانتيه

لي عندها الناباج ديرو فوق الفراولة باش تمد اللمعان ولا تستعين بسيرو تاع مربى الفراولة وادا معندكش معليش

نحطها تبرد في الثلاجة حتى تتماسك وبصحة والعافية