بابلي

نبداو بالصابلي نحطو المرغرين في وعاء نخلطوها بالخلاط حتى تولي بيضاء و نزيز السكر ثم البيض ثم الفاني و النشاء و نلمو بالفرينة و نطبعو بالطابع الخاص ببابلي و نحطوه في الفرن يطيب

بعد ما يطيب (يستوي)الصابلي زينيه على الحواف بالمعجون و لصقي الكاوكاو و خليه ينشف، و حضري قوالب البابلي حطي الشوكولاته في صحن و حطيه فوق حمام مائي حتى تذوب، و اخدمي القوالب بالطريقة لي تساعدك ، استعملي الفرشاة

بالنسبة للحشو نخلطو المكسرات مع الكراميل و اذا فالضيف ديريها كثري المكسرات باش تشدلك الحشو و ما تسيحش الكراميل ، و حطي الشوكولاته فلابوش جوطابل(جيب الحلواني)

حطي كلش قدامك على طاولة، الصابلي، قوالب الشوكولاته لبابلي و الكراميل، هزي قالب بابلي بملعقة صغيرة حطي فيه الكراميل و ما تعمريش من بعد هزي لابوش لي فيه شوكولاته الطلي و عمري واش بقى من القال و غطي مليح الكراميل و حطي حبة الصابلي و اذا صيف يستحسن تحطيه في الثلاجة و تخرجيه قبل ما تحطيه بساعة

نتمنى يعجبكم ذوقو روووووعة نتمنى تجربوه، شهية طيبة 🌷🌷🌷