قريوش تلمسان بالتفصيل الممل

نخضرو خميرة بلدية 48ساعة قبل تكون عاقدة نغطوها في ثلاجة ونجبدوها 3ساعات قبل العمل نفرغو فيها صاشي خميرة كيمياوية نخليوها تزيد تتخمر في بسينة نحطو فرينة (طحين او دقيق) و جلجلان (سمسم) مطحون مليح خاطرش يقطع العجين نخلطو نزيد ملح ونبسس بزبدة وزيت خاص زبدة باردة نخلطو فرينة (طحين او دقيق) دير كويرات فتحوهم في غربال نزيد البيض الخل وماء الزهر ونلمو عجينة بخميرة البلدية لبقا خاصها نزيدو ماء دافي تكون قاصحة خطرش كنجو نحلوها منديروش فرينة (طحين او دقيق) ونخليوها في كيس بلاستيكي تريح مدة ساعتين

نقسمو عجينة 4كريات نغطوهم بلاستيك نرفدو كرية نقصوها 4 نحلوهم طول كلهم بالحلال نفوتوهم مشينة في2 عاود 4 ونثالثوهم نطويو ثلاثة بالحلال نضغطو والعرض خاص يكون قد مشينة نفوتوهم في 4 وبجرارة نحيو طراف مش بزاف ونشكلو اعمدة 123وفي4نقطعو يكونو عراض وزواءد نلموهم فوق بعض منعجنوهمش نفوتوهم في مشينة

نبداو نشكلو كما في صورة

نغطوهم بطرشونة تا نكملو كمية نبداو نقليو زيت غزيرة حامية وغاز متوسط كطيب تطلع فوق نقلبوها

نعسلوه ونجنجلوهم بعد ما يبردو