الخطوات
- 1
نحط الفرينة (طحين) و نزيد عليها النص فنجان تاع الزيت و الملح و نبسسها مليح حتى يمتازجو مع بعض و نبدأ نلمها بالماء بارد منديرهاش تتلاصق و متكونش يابسة
- 2
نجيب الباكي تاع الزبدة تكون باردة مليح مليح تكون في الثلاجة و نقسمو على 2 نقسمو فالمنتصف نجيب قسم و القسم الاخر نخبيه نديرلو اي ورق انا نديرلو ورق الطبخ و نطرحو بالحلال تاع الكسرة
- 3
نطرح الزبدة حتى تولي على شكل تقريبا مستطيل يعني طويلة شوية نعاود نرجعها مربع و نزيد نطرحها مرة اخرى باه الزبدة تطرى معاك نوعا ما و متعبكش فالتوراق و نعاود نشكلها مربع نجيب العجينة تاعي بعد ما لميتها و خليتها تكون ريحت
- 4
نشكلها على شكل خبزة الكسرة ثم نجيب سكين و نقسمها على الوجه على شكل + و لكن منهبطش حتى للتحت كامل من فوق برك ثم نجبد الاطراف الاربعة لي يتشكلو عندي و نرققهم بالحلال و النصف تقعد بومبي كيما نقولو نجيب الزبدة تاعي على شكل مربع نحطها فالوسط و نغلق عليها بالحواف الارع مليح
- 5
و نبدا نورق فيها نحلها بشكل طولي كيما الشريط ندير double tour 4 كيفاه؟ نجيب العجينة تاعي نحلها طوليا على شكل شريط و نفتحها رقيقة بعدها نجيب طرف من العجينة منحطوش فالوسط جيست شوية برك و نجيب الجهة المقابلة و نطوي هاذا double tour اما tour simple نفتح العجينة نفس شيء بصح العجينة نجيببها للوسط و نطوي الطرف الاخر عليها و هنا تكون
- 6
العجينة المورقة واجدة معانا 😍😎😋 للامانة الوصفة نتاع الاخت مليا كهينة اللي ما فهمتش حاجة تضرب طلة عندها رايحة تفهم اكثر وصفتها رائعة انا شخصيا معتمدتها منذ حوالي عام و نصف والله رائعة.
وصفات مشابهة
-
-
-
-
-
-
-
العجينة المورقة 💖 العجينة المورقة 💖
#حراير_الجزائر#تجهيزات_رمضان اللهم بلغنا رمضان وحنا بصحة وسلامة يارب العالمين العجينة المورقة نحتاجوها دائما سواء في الأيام العادية أو في رمضان كاين طرق كثيرة لعملها انا اليوم عملت الطريقة العادية الأصلية التقليدية طبعا كاين اضافات مع التجربة لقيت نتيجتهم احسن لهذا نضيفهم اكيد وصدقوني ماشي صعبة نعملها بطريقة ساهلة وسريعة ونتيجتها ولا اروع وطبعا اهم سر في نجاح العجينة المورقة هي طريقة الطياب في الفور 💖
-
-
-
-
العجينة المورقة العجينة المورقة
دعوة لي يرزقني الله الذرية الصاالحة و مزال نفيدكم عندي بزااف افكاار رااح تستفدو منهم
-
وصفات ننصحك بمشاهدتها
التعليقات