نحطو 4 م.ك زيت فالقدرة نقلوه مليح و من بعد نحطو البصلة والثوم مرحيين طبعاً و التوابل و نمرقو بالماء الساخن، نقشرو البطاطا و نحطوها تتغلى فاامرقة هكاك حبات و نغلقو بالكسكاس

نحطو التليتلي تاعنا في قصعة و نزيدولها 2 ملعقة.ك زيت و نحطوها فالكسكاس تتفور، بعد ما تتفور نحطوها في كاش حاجة صغيرة و تكون تتغلق مثلا كيفات بالغطاء تاعها و نفرغو عليها ماء مغلي جداً يغطي كل كمية التليتلي و يطلع الماء المغلي فوق مستوها بحوالي 0.5 سم و نغلقو عليها و نخلوها حتى تتشرب كل كمية الماء

بعد ما تتشرب الماء تاعها نعاودو نفورها للمرة الثانية و بعد ما تتفور نعاودو نفس الخطوة اللولة لكن الماء يكون في نفس المستوى تاع التليتلي و نردو عليها الغطاء حتى تتشرب، بعد ما تشرب نحطوها فب قصعة نملحوها و نديرولها 2م.ك زيت و نفوروها للمرة الأخيرة و كي نهبطوها نسمغوها بالمرغرين و نقصو فيها الزيتون الأخضر شرائح صغار و نحطوها على جنب