هنسلق المعكرونه

اللحمة المعصجه... هنحط شويه زيت يسخن ونحط اللحمة الاول حوالي خمس دقائق ونكون مجهزين البصل مقطع نحطه عليها ولما يذبل احط الطماطم والفلفل مقطعين وبعدين البهارات بتاعتنا كلها والملح واسيبها لحد متستوي

البشاميل هنحط السمنه في الحله تسخن بشيط ونحط عليه الدقيق ونقلب لحد ميصفر ويبقى كريمي ودايب في السمنه وبعدين احط اللبن كله ويستحسن يكون دافي خالص عشان مش يكعكل مع التقليب المستمر لحد مالقوام يبقى مظبوط مش تقيل اوي ولا خفيف اوي ولو حسيتي انه سايب شويه هتجيبي معلقتين دقيق مع شويه شوربه وتدوبيهم وبعدين تحطيهم على البشاميل الخفيف هيظبط ونظبط الملح ونحط فلفل اسمر وكمون بالمعقول عشان ميغطيش على طعم الحاجه

هنرص الصينيه بعملها في اكبر صينيه مستطيله هنحط زيت وشويه بشاميل مش كتير تحت وبعدين المعكرونه كلها هحط عليها نص البشاميل واقلبها وحط نص المعكرونه في الصينيه وبعدين اللحمة وبعدين باقي المعكرونه وبعدين بقيت البشاميل والبيضه طبعاً هربها كويس بشويه فلفل اسمر وهفردها على وجه الصينيه وهدخلها الفرن نص ساعة واخر خمس دقائق لو مخدتش لون هفتح الشوايه عليها ونخلي بالنا عشان البيض هيخليها تأخذ لون بسرعه... وبالف هنا