بنظف الدجاج مزبوط وبنسلقه

بننقع الرز

بنقطع البصل مكعبات. وبنذبله على النار بس يستوي بنحط فوقه الفليفله حتى تذبل وبعدها الجزر والبازلاء والذره اخر اشي مع اضافة الملح والفلفل والكركم والبهارات المشكله

بنغسل الرز و بنخلط معه نص الحشوه ونظيف عليه الملح والبهارات حسب الرغبه

وبنطبخه ماء الدجاج (طبخ الرز حسب تعليمات الكيس لانه بختلف. حسب النوع)

بنجهز خلطة شوي الدجاج....معلة رب البندورة نص كوب رايب ملعقة بهارات ثوم مهروس 3 معلاق زيت زيتون ملعقة دبس رمان نص ليمونه او ملعقة ملح ليمون 5 ملاعق من ماء الدجاج

بنخلطها كلها مع بعض وبندهن فيها الدجاج وبنشوية على الشوايه

وبس يتحمر الدجاج ويستوي الرز... بنصفط الدجاج فوق الرز بالطنجره وبنكون مجهزين فحم بنفحم الاكل وبتركه من 5 ل 10 دقائق مخطى حتى يوخذ نكهة الفحم

بنصب الاكل بالصدر وبنزينه باقي الخلطه(بنسخنها شوي) واللوز

وصحه وعافيه