بسم الله الرحمن الرحيم🌹 اول شي بضيف بهارات البرغل كلها مع بعضها

منرجع لعجينة البرغل بدعكها كتير منيح بحتاج للمي وبس اتأكد منها صارت طرية وخرج استعملها بلش شغل فيها

بقطع البرغل على شكل كور كل وحدة بحجم حبة الجوز بفرد كيس لفريزة وبمسحو مسحه خفيفه بالماء وبحط قطع الكبه عليه

بصحن تكون ارضو ملساء ومتساوية بضغط على قطع الكبه لتصير بهل شكل

بأخذ دائرة من الكبة وبحط عليها الحشوة

وبرجع بأخذ الدائرة التانيه بحطها فوق الحشوة وبشكلها بهل شكل

فيني ارجع حط قطع الكبه على كيس لفريزة وبالكوب اضغط عليها بتتشكل عندي بس انا مابحب هاي الطريقه بصير ارض قرص الكبة متساوي ووجهو مقبقب وهيك صعب الشوي على الفحم بفضل كبكبو على ايدي يعني هيك بصير شكلو اذا ضغطت عليه بالكوب بهل طريقة رح يستوي سفل القرص وجهو ماتحكمو النار منيح لهيك بفضل الطريقه الاولى 😍

بعمل كل كمية البرغل متل ماذكرت بالخطوات السابقه حتى تخلص كل الكمية واذا زاد شي فيني شيلو بالفريزة وبستخدمو غير مرة

هلق منبلش بالشوي😋😋 اول شي بأخذ قرص الكبة وبنخشو بالشوكه نخشتين

وبس يتهدى الجمر منصف الكبه على الشوايه بدها دقه وطول بال بالشوي كتير مابدها سرعه ولهوَقه

اشتغلت الكبة قبل بيوم بالسهرة وغطيتها وحطيتها بالبراد لتاني يوم إن شاءالله تكون واضحه طريقة التحضير وبتمنى تستفادو منها وكل الشكر لمتابعيني والناس الطيبة الى بتدعمني 🌹🌹🌹

وأكيد الغدا كلو مابيسوا شي بلا كاسة الشاي على الفحم😍😍