نقشر راس الشفلور (القرنبيط) و نديرو في قدر فيه الماء و نشعل الموقد و نصيحة باش ريحة الشفلور (القرنبيط) متكونش في البيت التاعك ضيقيلو ورقة رند (غار) و قطعة ليمون هكا تتخلصي من الروائح و خليه حتى يطيب (يستوي)مليح و طفي عليه النار و صفيه و خليه في كسكاس يقطر مليح

كذلك نقشر البطاطا التاعنا و نقطعها مربعات صغار و نقليها و نتركها جانبا

نوجدو الكوشة التاعنا على 180 درجة من الاسفل و نشدو المول لي كان متوفر عندكم او صينية الفرن ندهنها بقليل من المارغارين و نشد الشفلور (القرنبيط) ديالنا نقطعو اطراف صغيرة جداً و نفرشو فلمول ديالنا و نضيف البطاطالي قليناها من الفوق

و اخير نحضرو الصوص لي راح يطبب بيها في إناء صغير نبشر حبة البصل و نضيفلها 4 بيض و نقطعلها المعدنوس (بقدونس) و نضيف كاس حليب و كذلك ملعقة من الفرينة (طحين) و نضيف الملح و الفلفل الاسود و القليل من الكمون ونسكب كافة الخليط في الصينية لي رايحين ندخلوها الفرن

نضيف فوقها اي نوع من الجبن تفضلين انا شخصيا كان عندي في البيت جبن مثلاثات ضفتو لصنية و كي تشوفو الصوص نشف و شربو الشفلور (القرنبيط) مليح و اصبح متماسك شعلو الفرن من الاعلى كي تحمر طفو الفرن

ارجو منكم تجربو الوصفة تاع نهار اليوم وصفة جد سهلة و اقتصادية٪ 100 و جد لذيذة انصحكم بها و متاخدش وقت