بنقطع الدجاج قطع طولية حجمها مناسب ما تكون عريضة ولا رفيعة

بنحطها بجاط وبنضيف عليها كل التوابل والمواد يلي ذكرتها

يفضل نتركها كم ساعة بالخلطة وبعدين بنحط بالمقلاية شوية زيت وبنزل الفروج وبنقليه ل يستوي

هون انا بكون مجهزة بطاطا مقلية ومخلل خيار مقطع، بحط رغيف الخبز بحط عليه تومية وشوية بطاطا وبعدين ومخلل والشاورما

مشان تقمير السندويش عدكن خيارين يا اما بنحط السندويش بآلة تقمير السندويش أو بمقلاية مع ضغط عليها بشي شغلة لتتقمر

صحتين وهنا يارب والله يديمها