في لاكوكوت نحط بصل وثوم يتقلاو في الزيت ونضيف قطع اللحم يتقلاو مليح مع بعض ونزيدلهم التوابل والملح وطماطم المصبرة ونمرق ونغلق حتى يطيب (يستوي) اللحم وعند نضوج اللحم نحيه ونزيد للصوص كاس ما والحمص والجزر ونزيد نغلق عليهم يطيبو كي يطيبو لوح فيهم راس فلفل حار

من جيهة نفتح كيس التليتلي ونحمصو فالمقلة ونكون غليت شوي ما في طنحرة مع ملح وزيت ونصب فيه التليتلي تاعي مباشرة بعد تحميصه ونخليه شوي برك فوق النار ونحيه ونغطيه ونخليه يتنفخ شوي من بعد نصفيه ونصب عليه شوي ما بارد ونحطو يقطر ونفورو كي يفور نذيرلو شوي زبدة ونفتحو بيدي ونقص شوي من لاصوص ونخلطو فيها ونخلي لباقي نسقي بيه من لفوق

في صحن التقديم نحط تليتلي تاعي ونصب عليه شوي اصوص مع حمصها وجزر لي فيها ونزين بللفلفل لمقلي والبطاطا المحمرة والبيض لمغلي وشهية طيبة