الخطوات
- 1
هنجيب بوله ونحط فيها الدقيق والسكر والخميره والملح وبحب انكه العجينه بحط ملعقة صغيرة ثوم وبصل بودرة ورشه بباريكا ونقلب
- 2
وبعدين ننزل بالبيضه وبعدين الزيت وبعد كدا اللبن الرايب على حسب احتياج العجينه بتأخذ معايا لتر الا ربع بس على حسب نوع الدقيق ممكن ياخذ اقل او اكتر ونعجن كويس ربع ساعة او 10 دقائق وبعدين نسيب العجينه ترتاح ساعة
- 3
نجهز الحشوه هنجيب بصله متقطعه ونشوحها في ملعقه زيت وبعدين ننزل بالفراخ اللي مقطعنها مكعبات ونقلب تقلبتين وننزل بواحده ماجي ورشه فلفل اسمر وملح ومنستناش عليها لما تستوي لونها يتغير بس ونطفي
- 4
نجيب الجبنة مثلثات ونسخن شويه لبن صغيرين وننزل عليهم بالجبنه وندوبهم هيبقي معانا صوص جبنة او تجيبي جبنة سايحه
- 5
ونجهز الزيتون المقطع ونقطع الفلفل قطع صغيرة ونجهز الصلصة نحط في طبق وعليه الزعتر والثوم ورشه الفلفل ونقلبهم
- 6
ونخرم العجينه بتاعتنا بالشوكه كلها وبعدين ننزل بالصلصة وبعدين الفراخ وبعدين رشه كبيره جبنة موزاريلا وعليها رشه جبنة رومي وبعدين نحط الزيتون والفلفل
- 7
وبعدين صوص الجبنة ورشه كبيره من الجبنة الموزاريلا وبعدين ندخلها فرن سخن على درجه حراره 180 ربع ساعة او على حسب الفرن بتاعك تحمر من تحت يعني استوت ونفتح عليها الشوايه تأخذ لون من فوق
- 8
وبعد ما العجينه تختمر هنقسمها نصين وممكن تعمليها واحده كبيره جداً او اتنين كبار ونفرد بالنشابه وبعدين نحطها في صينيه مدهون بالزيت ونحشي الأطراف جبنة اي نوع زي ماتحبي
- 9
وتتاكل مع كاتشب وبالف هنا وشفا يارب تعجبكم 💝
وصفات مشابهة
وصفات ننصحك بمشاهدتها
التعليقات (4)