الخطوات
- 1
نحكم إناء نحط فيه الفرينة و لفانيليا ورشة الملح وزبدة ونبسسهم مليح ثم نضيف الزيت و سكر ناعم ونخلط من بعد نضيف الحليب مع صفار بيضة ونلم العجينة بالأصابع فقط وندخلها لثلاجة على الأقل ساعة لما نخرجها نبسطها فالمول الخاص بتارتولات وندخلها طيب
- 2
نقطع الفراولة قطع صغيرة ونديرلها ملعقتين كبار سكر ونغطيها وندخلها لثلاجة
- 3
الكريمة.ندير الحليب فوق نار يسخن من جيهة نخلط صفار البيض مع السكر ومن بعد نضيف المايزينة ونخلط مليح نضيف الحليب ساخن بتديج ونخلط بسرعة باش لبيض مايطيبش من بعد نرجع الخليط للكسرونة ونبدا نحرك فيه على نار متوسطة حتى يثقال من بعد نطفي ونضيف الفانيليا و ملعقة الزبدة ونخلط نحكم اناء نفرغ في لاكرام باتيسيار نتاعنا ونغطيها بسيلوفان لازم سيلوفان يكون ملامس للكريمة ندخل للفريجيدار نخليه يبرد
- 4
نطلع كاس بودرة الشونتيي مع كاس حليب ونضيفها بتدريج لكرام باتيسيار اكيد بعد ما تكون بردت ونضيف عطر الفراولة 🍓
- 5
نحكم كسرون ندير فيها كاس ماء و 60غ فلون ومغرف مايزينة نخلط بارد في بارد من بعد نديرها فوق نار حتى تثقال
- 6
بعد ماطيب لاتارت نتاعنا ندير الكريمة نتاعنا ويعدها الفراولة لي كنت قطعتها ودرتها فالثلاجة وبعدها نضيف الڨلاصاج وشهية طيبة
وصفات مشابهة
-
-
-
-
-
-
تارت بالفراولة 🍓🍓 تارت بالفراولة 🍓🍓
#حراير_الجزائر #ست_الحبايب كل عام و كل امهات بالف خير عيد سعيد لكل أم ❤️❤️🌹🌹🌹
-
-
-
-
-
وصفات ننصحك بمشاهدتها
التعليقات