بالنسبة للكسكس نفوروه عادي يتشنه و نحلوه بشويى زيت نفوروه كي يفور نديرولو الملح و الماء كي يشرب نديرولو الزيت ونحلوه مليح نغودو نفوروه

مقطع الخضر مربعات صغار ونحطوها تفور كي يدخلها لطياب نديرولها الملح كي طيب نخلوها تقطر و نحطوها في ليان وندهنوها بزيت الزيتون (ادا كاين الماشطو ضيفوها جي بنينة انا مكانش عندي)

كي يفور الطعام نحطوه فوق الخضار ونخلطوه بيدنا ادا ناقصو دهان نضيفولو زيت الزيتون و لا زبدة على حساب الذوق

درت طعام بالزبيب نفس الطريقة نغسلو الزبيب في التفويرة الاخيرة نحطو الزبيب لتحت و فوقو الطعام و نخلوه يفور