اولا نبداو بالشربات نخلط مقادير الشربات المذكورة ماعدا ماء الزهر ونحطها فوق النار غير تبدى تغلي نحسبو 8 دقائق ونطفي ونحط ماء الزهر ونخليوها تبرد

في إناء نحط السميد والسكر ونخلط مليح نضيف الزيت ونبسس ثم اللبن وماء الزهر نتحصلو على خليط جاري شوية ندهن الصينية تاعي بالزيت ونفرغ الخليط ونقطع بلا منوصلو للتحت ونحط حبات اللوز او الكاوكاو حسب المتوفر وندخلها الفرن حتى تحمر الاطراف ونشعل الفوق حتى ياخذ اللون الذهبي

نخرجو ونفرغلو الشربات تكون باردة ونرجعو للفرن يكون مزال دافي ونخليه يتشرب 6 ساعات ويبرد ويقدم