محاجب حارين مشوطين صحة رمضانكم
الخطوات
- 1
نحط السميد و الفرينة (طحين) في جفنة و ندير الملح و نلم العجينة بالماء عادي منجريهاش و نغطيها بكيس بلاستيكي و نخليها ترتاح و بعدها نبدأ ندلك فيها باشوي و نزيد في الماء حتى تترخف و نخليها ترتاح و نزيد ندلكها و بعدها نديرها كويات صغار و نغطيهم بازيت و نغلف بكيس بلاستيكي و نخليها ترتاح
- 2
الصلصة انا نرحي البصل في الر‘بو بصح نخليه مورصوات باينين مترحيهش حتى يطلق الماء و يبان رابي و نحط على نار هادية يدبال و كيف كيف الطوماطيش نرهيها في الروبو و كي يدبال البصل شوي نزيدها معاه و ندير الفلفل الحار و التوابل و الطماطم المصبرة و نخايها تكتك حتى تتعسل و في الاخير نقطع كمية مليحة تاع الدبشة و نزيدها و نطفي عليها و نخليها تبرد
- 3
نحكم 2 كريات صغار و ندير بيناتهم الزيت و نحلهم مليح و نطوي جهة وحدة و نحط فوقها الصلصة و نغطي بالجه المقابلة و نكل نغلق بالطرفين تولي كاري
- 4
نحطها طيب بشوي زيت في الطاوة و نقلبها حتى تتحمر مليح و كل وحدة و الطريقة لي تجيها ساهلة و بالصحة و الهناء
وصفات مشابهة
وصفات ننصحك بمشاهدتها
التعليقات