كشري مصري ولا المطاعم
الخطوات
- 1
اول حاجة نقطع بصلتين شرايح ونعفرهم في دقيق ونزلهم في زيت غزير واما يحمرو نطلعهم في مصفى وسيبى الزيت مش ترميه
- 2
نحط حلتين على النار فيهم ماء واحده للعدس فيها كمون وواحده للمكرونة فيها نطرة زيت م بتاع البصل ومعلقه ملح
- 3
اما العدس مايته تلون نأخذ منها للمكرونة عشان يبقى فيها طعمها وناخد م المعكرونة للعدس
- 4
المعكرونة استوت نصفيها في مصفي واما تبرد ونرش عليها حبة زيت م بتاع البصل عشان تبقي مزيته ونركنها جمب البصل
- 5
في حلة نحط حبة زيت م البصل ونكمل زيت عادي وننزل بالشعيريه فيها واما تتحمر نحط عليها كوب م ماء العدس وبعدين نغسل الرز ونضيفه على الشعيرية ومعاه ملعقة ملح وربع ملعقة فلفل اسمر ونقلبهم سوى كويس واما الماء تنشف نخفف عليه
- 6
نضيف ملعقة ملح للعدس ونسيبه مسافه دقيقه ونصفيه كويس ونبرده ونركنه جمب المعكرونة والبصل واما الرز يخلص بردو نركنهم
- 7
كده مفضلش غير الصلصة في الخلاط نحط نص كيلو طماطم يضرب ومعاه بصلة كبيرة يضربو كويس اوي ونحط باقي زيت البصل ونكمل حبه زيت م عندنا وننزل الصلصة في الزيت وعليها كل التوابل والملح وحبه ماء صغيرة ومعلقه صلصة حمرا ونسيبها تتسبك براحتها
- 8
في طبق صغير نفرم فصين ثوم وعليه عصرة ليمونه وربع كوب خل ورشة كمون وملح ونقلبهم كويس اوي ونسيبهم في جنب
- 9
الصلصة ااما تتسبك نأخذ منها معقلتين في طبق وعليه معقلتين شطة كبار ومعلقه زيت ونقلبهم كويس اوي وبكده خلص الكشري وبالف صحة وهنا يارب اكون قدرت اافيد حد
الكوكسناب
هل جرّبت هذه الوصفة؟ أضف صورة طبقك واكتب قصّة تجربتك
وصفات مشابهة
وصفات ننصحك بمشاهدتها
التعليقات