نفصفص الفول الأخضر أولا ونضعه في وعاء ونضع فوقه ملعقة ملح صخري وملعقة سكر ونخلطه.

نغلي ليتر ماء في ابريق ونصب الماء فوق الفول الأخضر -!يلي رشينا فوقه ملح وسكر- ونتركه يغلي على نار هادية عشر دقائق بعدين نصبه في مصفاية ونتركه شويه حتى يصفي منيح

منحط شوية زيت بطنجرة ونحط شوية لية غنم ونتركها حتى تذوب نحط بصلة مفرومة ناعم ونقلبها بس تذبل نحط اللحمة المفرومة وفوقها ملح وفلفل حسب الرغبة ونقلبها منيح ونغطيها.

بس تستوي اللحمة نضيف فوقها الفول المصفى وكاسة ونصف ماء عادي ونقلب منيح ونغطيها بس نترك طرف الغطا مكشوف شي ربع ساعة نقلب كل شوي حتى تنشف الماء. وهيك صارت جاهزة