تارت لعيد الميلاد

نخلط البيض والسكر وقرصة ملح والفاني حتى يتضاعف حجمها ويصبح ابيض فاتح نحبس الباتور ونضيف الفرينة (طحين) وقرصة الخميرة ونخلط بشوية حتى تندمج نفرغها في بلاطو مفرش بورق الطبخ وندخلها الفرن (نكرر نفس العملية ونفس المقادير على حسب الطبقات المرغوبة)

نضرب الشانتيه مع الحليب والسكر والليمون (الليمون حسب الرغبة يمكن الاستغناء عليه)نخلي شوية ابيض والثاني نديرلو عطر الفراولة وملون في نفس الوقت

نخلط المربى والماءزهر ونسقي الجينواز مليح وندهنها بالشونتي وندير موز مقطع دوائر ونزيد الطبقة الثانية نسقيها بالسيرو وندير الموز نكرر نفس العملية حتى نكمل الطبقات نغطيها بالشونتي وندير روزاس او وردات على الحاشية ونحط ورقة القوفريط في الوسط ونزين بحلوى وفالجوانب برتقال مقطع رقيق او اناناس (انا عملت 2 التارت الثانية بنكهة الفراولة نفس الطريقة والتزيين بالشونتي الوردي والجوانب موز وفراولة)