في قدر نضع قطعة لحم او دجاج مع 2 م.ك زيت نخليه حتى يتحمر اللحم و يأخذ اللون الذهبي ثم ضيفت م.ك سمن و بصلة مبشورة و ملح وفلفل اسود و فنجال ماء و عندما يذبال البصل ضفت الفطر ثم نمرق لكي يطيب اللحم و من جهة اخرى نقيت القرنون و فورتو حتى طاب ولاكن متخليهش حتى يطيب جيدا لكي لايتكسر ثم في مقلاة فيها الزيت ضفتلها البصل مقطع مربعات خليتو يذبال ثم ضفتلو اللحم المفروم و ملح و فلفل اسود و خليتو يطيب ثم نطفي عليه و نضيفلو المعدنوس و بيضة و م.ك خبز مرحي و 2م.ك كريمة سائلة و فنجال حليب و جبن طري و جبن مبشور

و خلطت كل المكونات ثم عمرت القرنون و حطيتو في صينية الفرن و مرقت قليلا من الصوص و ضفتلو الفطر و خليتو على 180° حتى تماسك اللحم و حمرتو من الفوق 👌

كبة البطاطا : غليت البطاطا في الماء والملح و عندما طابت صفيتها و رحيتها و ضفتلها المعدنوس (بقدونس) و فلفل اسود و الملح و كمون و صفار بيضة و هريسة و جبن طري و م.ك زبدة و نصف كمية البطاطا خبز مرحي و خلطت الكل جيداً و دخلتها الثلاجة مدة 30د ثم ضفتلها كمية من اللحم المفروم الذي طاب بالبصل مثل الطريقة الاولى و خلطتهم و شكلتهم على شكل اجاصة و دخلتهم للفرن لكي يتحمرو ثم قدمتهم مع القرنون جاو ماشاء الله بنة لاتقاوم صراحتا