نخلط جميع المقادير باليد ومبعد نجيبو السيلوفان ونبسطوها كيما اي مثل في الصورة ومبعد نجيبو الفرماج (اي نوع) ومبعد نجيبو مغرفة طماطم مصبرة ونحطوها فوق الفرماج ومبعد نروليوه بالسيلوفان ونقفلوه كيما اي مثل في الصورة ومبعد نجيبو مقلاة نحطوها تسخن ونديرو فيها شوي زيت وشوي زبدة ونحيولو السيلوفان ونحمروه من كل جوايه.

في طنجرة نحطو فيها خليط الزبدة والزيت تاع الرولي نزيدو بصلة متوسطة توابل نفس توابل الرولي نزيدو طراف دجاج نقليو مليح ونزيدو الزيتون لكنا غلينها ودرنالو شوي فرينة (طحين او دقيق) باش تتنحالو الملوحة ونزيدولو الزرودية ونخليوه يطيب.كي يطيب, اي يستوي نهزو الرولي نحطوه في المرقة تع الزيتون يغلي شوي معاه ومبعد نحطوه في الطبق مع الزيتون ويبقى التزيين حسب الرغبة وبصحة.