نضع الفرينة (طحين) والزيت و الملح و نحاول نمزجهم جيدا ثم نضيف البيضة و نمزج جيدا و نزيد الحليب البودرة و نزيد الخميرة و السكر ثم نضيف الماء تدريجيا حتى نتحصل على عجينة تلصق شوية و نخليها ترتاح(10دقائق)

بعد ما ترتاح العجينة نضعها في وعاء للعجن(جفنة)و نضيفلها ملعقة كبيرة زبدة و نعجنها جيدا و نخليها تخمر مرة ثانية

بعد ما تخمر نشكلها 4 خبزات و نضعم في صينية الفرن و نتركهم يخمرو و بعد ما يتضاعف حجمهم ندهنهم بصفار بيضة و ملعقة صغيرة ياغورت طبيعي و قرصة ملح او نعوضو الياغورت الطبيعي بملعقة كبيرة حليب عادي و ندخلوهم الفرن حتى يطيبو

و من جهة اخرى نحضر اللحم المفروم نتبلوه بالفلفل الاسود و الثوم بودرة و البصل بودرة نديرو ملعقة صغيرة من كل تابل و نزيد موتارد و بيضة و ملعقة كبيرة فرينة و نشكلوه اقراص و نحمرهم في شوية زيت

بعد ما يطيب الخبز نفتحوه و نديرو شوية مايونيز انا خدمتها في البيت و نيرو سلاطة و بيضة مقلية و طماطم و جبن و اللحم و مايونيز و نقفلوها و نقدموهم بالصحة و الهناء صدقوني ذوق خيالي