نحضرو العجين بالمكونات المذكورة وخليوه يرتاح شوي ومبعد نحكمو شوي عجين ونديموليوه على ليمول نتاع لي تارت ونثقبوه مليح ونديروهم يطيبو حتى يحمارو مليح ونحيهم

نحضرو كريم باتسيير في كاسرونة نديرو ربع لتر حليب ونضيفلو زوج مغارف نشا وزوج سكر ونخلط مليح ونزيد بيضة ونخلطو بارد في بارد ومبعد نحطوه فوق النار ونحركو باستمرار دون التوقف حتى تخثار كي تبدا تغلي نطفيو عليها ونضيفولها مغرفة كبيرة زبدة ومغرفة فانيلا ونخلطو مليخ ونضعها في إناء زجاجي ونغطيها بورق النيلون الغذائي ويكون ملامس لسطح نتاعها باه ماديرش طبقة ناشفة من فوق وندخلوه للثلاجة يبرد مليح

نطلعو كرتم شانتيه مليح ومبعد نزيدو نطلعو كريم باتسيير حتى تطلع شوي ومبعد نضيفولها كريم شانتيه لي طلعناها بالشوي وحنا نطلعو بالباتور ومبعد نضيفولها قطرات من لاروم نتاع لفراز او اي ذوق تحبوه ونخلطو مليح

ومبعد في كيس حلواني نضع الكريمة ونعمرو ليتارت ونزينو بالفرولة من فوق وشهية طيبة

للامانة الوصفة لام وليد