طريقة بسبوسه بالقشطه: أولا ؛ المقادير الجافه... @fantkat كوب كامل سميد ، نص كوب سكر ، نص كوب جوز هند ، كوب حليب بودره ، ملعقه كبيره باكنينج بودر.. نخلطهم مع بعض @fantkat

ثانيا : نضيف عليهم علبة روب (زبادي) نص كوب ماء ، ثلاث ارباع كوب زيت ونخلطهم عدل مع المواد الجافه

ثالثا : في صينية فرن مدهونه بالزيت نصب ثلاث ارباع الخليط ونفرده وبعدها نجيب القيمر ونحطه بالنص فقط تجنبوا الاطراف بعدها الربع الباقي من البسبوسه نحط عليه مقدار ملعقه كبيره ماء نخففه ونحرك عدل ونصبه فوق القيمر من الاطراف الي الوسط ونغطي القيمر فيها ندخلها الفرن من تحت حتي تتماسك (او تصير بنيه شوي) بعدها من فوق حتي تعطينا اللون الذهبي

وبعدها مباشره بعد ما نطلعها من الفرن نصب الشيره (القطر) عليها والبسبوسه حاره وبعدها نخليها عشر دقايق برا ونزينها وعافيه لاتقصونها وهي حاره حيل تفتفت معاكم خلوها عشر دقايق وبعدها قصوها او ربع ساعه بالجو العادي لاتدخلونها الثلاجه وزينوها بأي شيء تحبون وعافيه @fantkat.