اول الشيء نحط الكوسة المقطعة دوائر في الماء نضيفلها الملح ونخليها تغاي حتى طيب؛ ثم نصفيها مليح من الماء نحطها في مقلى ماتلصقش ونشوحها من الماء نكسر البيض على حسب كمية الكوسة ونضيفهم للكوسة ونخلطها وهي فوق النار حتى ينضج البيض ونزيد شوي تاع الملح والفلفل الاسود

نبرش البطاطا نتاعنا ثم نعصرها بيدي مليح حتى تخرج ذاك الماء ليفيها قبل هاذا نكون وجدت خليط البيض والكسبر والكركم الملح والفلفل الاسود ودبشة مقطعة صغيرة

نخلط البطاطا والبيض يجي متماسك شوي بالبطاطا نهز بالملعقة ونحطها في مقلى تكون فيها الزيت سخونة من قبل ونقص للنار ونقليهم

صلصة الطماطم غنية عن التعريف اي ست بيت تعرف تعملها لكن انا نحب نحط فيها هاذاك الفلفل المخلل يعطيها بنة روعة

التقديم انا نحب البسيط جداً زوجي مايحبش الزواق بزاف كيما اي مثل بغيتي قدمي