بنغسل الكوسا وبنحفرو وبنغسلو كمان مرة وبنتركو ليتنشف شوي من الماء

بنبلش نحضر الحشوة..

بنغسل اللحمة جيداً وبنحطها على نار هادية لتتطبخ بنضيف معها ورق غار وحب هيل

بنفرم البصل والفلفل ناعم وبنقلبه بزيت زيتون ليتدبل مع بعض بتكون اللحمة تنشفت الماء عنها بنحط اللحمة على البصل وبنضيف اللوز المحمص عليهم اذا كان ني بنحمصو وبنضيفو

بنحط البهارات اللي ذكرناها وبنقلبهم مع بعض وبنتركهم شوي يتطبخو مع بعض وبعديها بنطفي عليهم وبنحطهم على جنب ليبردو

بنبلش نسن اللبن باضافة م. ص نشا على اللبن وبنخلطهم على الخلاط وبعديها بطنجرة وعلى النار بنضل انحرك فيهم ليبلش يغلى بنضيف اما ماء مع مكعب ماجي او مرقة دجاج او لحمة حسب المتوفر وبنتركهم يغلو شوي

بتكون الحشوة بردت بنحشي الكوسا وبنقليهم بزيت مازولا لازم الزيت يكون غويط شوي مش كتير لياخدو اللون على شقار وبننشلهم من الزيت

بعدها بنضيفهم على اللبن وبنشعل النار عليهم شوي يغلى غلوتين وبنطفي

انا بس اطفي بنشل الكوسا وبحطو ببايركس وبسكب اللبن عليه وبحط باقي اللبن بجاط غويط بكون المنظر احلى

بنزينو بلوز وبقدونس مفروم وصحتين وهنا