نخلط كل المكونات الجافة مع بعض الدقيق و الفرينة (طحين) و الملح في غرفية اخرى نخلط خميرة الخبز و السكر بالماء ونتركها تتفاعل قليلا مع بعض نسكب بالتدريج الماء الفاتر على المواد الجافةو نخلطه نضيف اليه خليط الخميرة و السكر ونعجن الكل مع بعض

حتى نتحصل على عجينة خفيفة القوام متكونش قاسية يلزم خبز الطاجين تكون خفيفة نغطيها و نتركها لترتاح مدة ربع ساعة ثم نعود الى العجين و نخلطهو نقلبه باصابع اليدين فقط لا نقوم بالعجن نكرر نفس العملية في المرة الثانية ثم نغطيه جيداً ونتركه ليختمر

او تخلي النار تكون ضعيفة بزااف و يبردلك الطاجين وخبزك متطلعش اذن لازم تكون متوفرة عندك كمية مليحة من الحطب وتقعدي قدام الخبزة مقابلتلها النار (ههههه يعني طيبي معاها ومنحكيلكمش على الدموع اللي راح تحطوها بدخان النار ههههههه) هادو من نصائح امي الغالية اللي قالتلي ربي يطولي في عمرها 😘

نرجعو للعجين ديالنا بعدما يكون اختمر نجيبو إناء فيه سواء ماء او زيت انا نستعمل الماء فقط نقطع العجين الى كرات متوسطة الحجم و نضعها في الدقيق ثم في إناء اخر بعدها ناخدها و نحطها في الطاجين و نسرح الخبزة على كل الطاجين (و هنا اخدت صورو للحظة التاريخية ههههههههه😄)

نتركها على النار متوسطة و مع تحريكها لتتحمر من كل الجوانب ثم نقلبها على الوجه الاخر و شهية طيبة 😄