نضع المكونات الجافة علي بعض الدقيق والبيكنج بودر والكاكاو ونقلبهم.. ثم نضع في الخلاط اللبن والبيض والسكر والفانيليا والزيت في الكبة ونخلطهم كويس ثم ننزل عليهم بالمكونات الجافة ونخلطهم كويس.

نكون حطين حلة البخار حتي يغلي الماء ثم نضع خليط الكيكة في الأكواب وعلي الوجه نضع الشوكلت شيبس.... ونضعهم في حلة البخار ونغطيهم بفوطة ونخلي بالنا لأن مع إرتفاع الكيك هتيجي في الفوطة يعني تكون الفوطة مخصصة للمطبخ... مش محتاجينها... وبتآخد حوالي 30 دقيقة مع متابعتها بعود خشبي ومنخفش عادي مش هيحصل لها حاجة.

صوص الشيكولاته للتزيين للرغبة: 2 ملعقة زبدة علي النار ونضع عليهم 4 ملاعق لبن و5 ملاعق سكر و3 ملاعق كاكاو أو 2 للي عايزه خفيف، وأول ما يسخن نشيله من علي النار ونضع عليه قطعة شيكولاته خام مبشورة هتسيح علي طول مع الصوص ونزين بيه الكيك.