قاطو الكاوكاو والشوكولاتة 😋 يذوب في الفم 😍 طعم رائع ولذيذ

في إناء نضع الزبدة ونخلطها قليلا ونضيف السكر ونخلط جيداا ثم نزيد البيض ونخلط كذلك حتى تتجانس كل المكونات جيداا

نكمل نضيف النشاء والفاني ونخلط ونزيد الكوكاو والكاكاو ونخلط جميع المكونات وفي الاخير نضيف خميرة القاطو والفرينة العجينة لازم تكون لينة ورطبة

على طاولة العمل نحل العجينة ونقطع دوائر بهذا الشكل👇أنا في الاول صغرتهم ومن بعد درت كأس أكبر من الاول 😊المهم

ندخلهم للفرن يطيبو نكمل نطيبهم كامل ونروحو لكيفية صنع الكريمة في إناء نضع 150غ زبدة و2مغارف زيت نباتي و4مغارف شوكولاتة طلي وزدت من عندي مغرف كاكاو مغربل إختياري 😋

نخلط جيداً ونحطها تتماسك في الثلاجة ونبدأ نلصق كل حبة قاطو بأختها ثم نذوبالشوكولاته ونغمسها فيها

جربوه وردولي خبر والبنسبة للتزين الثاني جاتني فكرة هاذوك الحبات الصغار خممت نديرلهم هكا هذا مول تاع شيكولا ذوبتها وحطيتها فيه وحطيته في الثلاجة كي برد مليح نحيتهم وخبيتهم في بورطمونجي ولا أروع بريستيج ونفس الوقت ماخسرتش القاطو تاعي بالعكس بان رائع😍

وندهن الأطراف بالمربى المشمش ونغمسها في الكاوكاو محمص ومرحي وندير خطوط بالشيكولا السوداء 😋😋 كرشي الكبيرة لاتتحمل 😂😂 والله تأمنوني أجمل قاطو ذقته في حياتي اولا شيكولا وانا نموووت عليها كل شيكولا في شيكولا ثانيا هش لدرجة يذوب في فمك والبنة مانحكيلكمش

ملاحظة: باش النتيجة تكون مليحة لازم تغربلي المكونات في لاغوسات تاع القاطو الاصلية فيها غير 2مغارف كاكاو أنا زدت 2من عندي حبيتها يكون لونها بني اكثر صدقوني البنة خيالية ورائعةوالشيكولا الماركة المليحة ولي انا بالذات مانقدرش نستغنى عليها dada جربوها وردولي الخبز😋😋 وزيد نصيحة من عندي في التأني السلامة وفي العجلة الندامة 😉 اللبيب بالإشارة يفهم😊